თბილისი (GBC) - ტკბილეულობის ბაზარზე ახალი კომპანია შემოდის. 

„ბრენდ კონცეპტი“ შოკოლადის წარმოებას მარტიდან დაიწყებს, მოგვიანებით კი ბაზარზე სხვა სახის   ეკოლოგიურად სუფთა პროდუქციასაც გამოიტანს. კერძოდ: კაკაოს შემცველი პროდუქტებს, ჯემს, მარმელადს, ნაყინისა და ყინულის სხვადასხვა სახეობებს, ხილისა და კაკლის პიურეს, ხილისა და ბოსტნეულის წვენებს, მზა წვნიანებსა და ბულიონებს. 

კომპანია თანამედროვე საწარმოს გახნისთვის 1 027 500 ლარს  ინვესტიციას ახორციელებს. წარმოებული  პროდუქციის რეალიზაციას, როგორც საცალო და საბითუმო, ასევე ქსელურ სუპერმარკეტებში გეგმავს. 

საწარმო თბილისში, თაქთაქიშვილის ქ. #12 გაიხსნება. „ბრენდ კონცეპტი“ პროგრამის „აწარმოე საქართელოში“ ფარგლებში ფინანსური მხარდაჭერით სარგებლობს, რაც იმას ნიშნავს, რომ პირველი 2 წლის განმავლობაში პროცენტის თანადაფინანსებას სააგენტო „აწარმოე საქართველოში“ განახორციელებს.