თბილისი (GBC) - ბაზარზე უძრავი ქონების სააგენტო “ ახალი დომინიონი ” შემოვიდა, რომელიც  მომხმარებლებს ბაზარზე არსებული განსაკუთრებული და ღირებული ბინებისა თუ ოფისების შეძენა-გაყიდვა-გაქირავებაში ეხმარება.

“უძრავი ქონების სააგენტოს არსებობის საჭიროებაში მაშინ დავრწმუნდი, როცა თავად ვეძებდი ბინას. არსებობს ზღვა გაუფილტრავი ინფორმაცია. ყველა კერძო პირის, სააგენტოს თუ სამშენებლო კომპანიის შეთავაზებების ცოდნა შეუძლებელია, თუ ეს შენი ყოველდღიური საქმე არაა. ამიტომ, გადავწყვიტე დამეარსებინა “ახალი დომინიონი”, რომელიც მაღალი კლასის სეგმენტზე იმუშავებს და მათ სრულფასოვან სერვისს შესთავაზებს”, - განაცხადა კომპანიის დამფუძნებელმა, ხატია ოძელაშვილმა.

კომპანიის სერვისებით სარგებლობა მარტივია, საკმარისია კომპანიის წარმომადგენლებთან დაკავშირება. ამასთან, მომხმარებელი არაფერს იხდის სასურველი შედეგის მიღებამდე.

“ჩვენ არ ვთავაზობთ დამკვეთს რაიმე ქონებას, იმიტომ რომ მას ჩვენ ვყიდით, არამედ ვსწავლობთ ყველა შეთავაზებებს და ვარჩევთ იდეალურ გამოსავალს თითოეული კლიენტისათვის”, - განაცხადა პროექტების კოორდინატორმა, თამუნა ბალიანმა.

“ახალი დომინიონის” ბრენდინგზე კანადური გამოცდილების მქონე პიარსააგენტო “ ხატია კომუნიკაციამ ” იმუშავა.