თბილისი (GBC) - დიზაინერმა ზვიად ციკოლიამ თიბისი ბანკის მხარდაჭერით შექმნილი პირველი თვითმფრინავი წარადგინა - ღია სივრცეში, თიბისის სათაო ოფისის წინ.  

ერთადგილიანი საფრენი აპარატის "ლიზა"-ს  სავარაუდო ღირებულებაც ცნობილია, ის 25-30 ათასი დოლარი ეღირება. ინტერესიც დიდია, როგორც საქართველოდან ასევე საზღვარგარეთიდან, თუმცა გაყიდვამდე  თვითმფრინავმა უსაფრთხოების  ნორმები უნდა დააკმაყოფილოს და  შესაბამისი სერთიფიკატი მიიღოს.

“თვითმფრინავი არის ძალიან იაფი, ესაა პირველი, მის მასიურ წარმოებამდე კი ეტაპები გვაქვს გასავლელი და ამის შემდგომ ფასის ცვლილებაც მარტივი საკითხია, მთავარი მისი უსაფრთხო ფუნქციონირებაა, - “ აცხადებს GBC-სთან ზვიად ციკოლია.

ცნობილი დიზაინერის შთაგონება ავიაციაში ამ მოდელით არ ამოწურულა, უახლოეს მომავალში ის რეაქტიული თვითმფრინავის მაკეტს წარადგენს.  ახალი მოდელის მაკეტზე მუშაობა უკვე თითქმის დასრულდა-  რეაქტიული თვითმფრინავიც   ერთ ადგილიანი იქნება.

ციკოლია აღნიშნავს, რომ რეაქტიული თვითმფრნავის აწყობისთვის მნიშვნელოვანი თანხების მობილიზებაა, სწორედ ამიტომ როდის დაიწყება ახალი მოდელის აწყობა ჯერ არ იცის.