თბილისი (GBC) - გაიზრდება თუ არა ელექტროენერგიის სამომხმარებლო ტარიფი თვის ბოლოს გახდება ცნობილი. 

სატარიფო განაცხადების განხილვამდე სემეკში კომპანიების საინვესტიციო გეგმებს განიხილავენ. 13 ენერგო და 3 წყალმომარაგების კომპანია 2018 -2020 წლებში, საინვესტიციო პროექტებში დაახლოებით 1 მლრდ ლარის ჩადებას გეგმავენ. 

"დღეს არის შეუძლებელი იმაზე საუბარი რა მოუვა სამომხმარებლო ტარიფს, იმიტომ რომ ინვესტიციები არის ძალიან  მნიშვნელოვანი კომპონენტი ტარიფებში, მაგრამ არა ერთადერთი. მომავალი კვირიდან დავიწყებთ სატარიფო სხდომებს და თვის ბოლოსთვის გამოიკვეთება კონტურები სამომხმარებლო ტარიფთან მიმართებაში", - განაცხადა  განაცხადა სემეკის თავმჯდომარემ და აღნიშნა, რომ დღეს მოქმედ ტარიფში ლარი/დოლარის გაცვლითი კურსი  2.50 ლარის ნიშნულზეა განსაზღვრული, "ამდენად არსებითი გავლენა კურსის გამო ჯერჯერობით არ იგეგმება". 

მილორავა ამბობს, რომ  საბოლოო სურათი გამოჩნდება მხოლოდ კონკრეტული ტარიფების დადგენის შემდეგ.