თბილისი (GBC) - ენერგეტიკის მინისტრის მოადგილი ელექტროენერგიის ტარიფის ზრდას პროგნოზირებს. 

„ტარიფის კორექტირება სემეკის კომპეტენციაა. გენერაციის რამდენიმე ახალი ობიექტია შესული ექსპლოატაციაში. ჩემი აზრით, ტარიფი სავარაუდოდ გაიზრდება, თუმცა არა მნიშვნელოვნად, რომ ეს მძიმედ დააწვეს მოსახლეობას“, – განაცხადა გიორგი ჩიქოვანმა BM.ge-სთან საუბრისას. 

აღსანიშნავია, რომ ენერგეტიკისა და წყალმომარაგების მარეგულირებელი ეროვნული კომისია ელექტროენერგიის გატარების, განაწილებისა და მოხმარების ტარიფებს „თელასისა“ და „ენერგო–პრო ჯორჯიას“ აბონენტებისთვის წლის ბოლომდე დაითვლის.