თბილისი (GBC) - სავალუტო ფონდის დასკვნა ნიშნავს მთავრობის, ეროვნული ბანკის და პარლამენტის მიერ განხორციელებული ეკონომიკური რეფორმების აღიარებას და მხარდაჭერა, - მიიჩნევს   პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძე.

კანონმდებელი ამბობს, რომ სსფ-ს მიერ ასევე მოწონებულია ის საბიუჯეტო პოლიტიკა, რომელიც ქვეყანაში ხორციელდება, ესაა დაბალი დეფიციტის პირობებში გათვალისწინებული კაპიტალური ხარჯები. ასევე მხარდაჭერილია ინფრასტურქტურული პროექტების დაფინანსება

„6 დეკემბერს სსფ-ს საბჭომ მხარი დაუჭირა საქართველოს სამწლიანი პროგრამის პირველი მიმოხილვის დასრულებას. ამ მიმოხილვის დასრულებისთანავე საქართველოსთვის ხელმისაწვდომი ხდება დაახლოებით 42.4 მილიონი აშშ დოლარი, რომლითაც შეივსება ეროვნული ბანკის საერთაშორისო რეზერვები “, - განაცხადა ირაკლი კოვზანაძემ.