თბილისი (GBC) - 1 დეკემბერს  შიდსთან ბრძოლის საერთაშორისო დღეა.

ამ დღეს კიდევ არაერთი მოვლენა მოხდა, რომლებიც რადიო თანამგზავრმა გაიხსენა, მათ შორისაა ავტომწარმოებელი Ford-ის მიერ პირველი კონვეიერის ამუშავება, ამით ამერიკელმა მწარმოებელმა ავტომობილები გააიაფა და  ხელმისაწვდომი გახადა.  შედეგად, თუ სხვა კომპანიების ავტომობილებს მხოლოდ მდიდრები ყიდულობდნენ, ჰენრი ფორდის „მოდელ T-ს“ შეძენა, კომპანიის ქარხნის მუშებსაც კი შეეძლოთ.

რაც შეეხება სხვა მოვლენებს: 

1891 : ჯეიმს ნეისმიტმა კალათბურთი მოიგონა.

1903 : კინოთეატრებში უჩვენეს პირველი ვესტერნი „მატარებლის მძარცველები“.’

1913 : Ford -მა  პირველი კონვეიერის  ხაზი აამუშავა.

1918 : ისლანდია სუვერენული სახელმწიფო გახდა დანიის შემადგენლობაში.

1945 : დაარსდა ქალების საერთაშორისო დემოკრატიული ფედერაცია.

1959 : ანტარქტიკის ხელშეკრულებას მოეწერა ხელი, რომლის მიხედვით ანტარქტიკაზე მხოლოდ სამეცნიერო მოღვაწეობაა ნებადართული.