თბილისი (GBC) - ბაქო-თბილისი-ყარსის მაგისტრალით თურქეთიდან აზერბაიჯანში პირველი მატარებელი გაიგზავნა - ინფორმაციას თურქული მედია ავრცელებს.

მედია წერს, რომ მერსინიდან გამოსულ შემადგენლობაში 32 კონტეინერია, 650 ტონა ტვირთით.

წინასწარი გათვლებით, მატარებელი ბაქოში 96 საათში ჩავა.

შეგახსენებთ, ბაქო - თბილისი -ყარსის რკინიგზაზე პირველი სატვირთო მატარებელი ყაზახეთიდან 24 ოქტომბერს გამოიგზავნა. შემადგენლობაში 32 ხორბლით დატვირთული ვაგონი იყო.   

საქართველოში ამბობენ, რომ ბაქო-თბილისი-ყარსის  რკინიგზა არის აბრეშუმის გზის ერთ-ერთი განშტოება, ეს არის სახმელეთო დამაკავშირებელი გზა, რომელიც აზერბაიჯანს, საქართველოსა და თურქეთს დააკავშირებს ერთმანეთთან.

"ეს იქნება სწორედ ის შესაძლებლობა, რომელმაც პირველ ეტაპზე 5 მილიონით, შემდგომში უკვე 15 მილიონით უნდა გაზარდოს ის შესაძლებლობა, რომელიც ჩვენს სატრანსპორტო დერეფანს გააჩნია“, - განაცხადა დღეს ეკონომიკის მინისტრმა დიმიტრი ქუმსიშვილმა.