თბილისი (GBC) - ლიბერთის ახალ მაჟორიტარ აქციონერ European Financial Group-ს, ბანკის დარჩენილი აქციების გამოსყიდვა სურს და ამ მიზნით 50 მლნ ლარი გამოყო.

კომპანიამ, რომელიც ლიბერთის 74.64% -ს ფლობს მინორიტარებს სთავაზობს დარჩენილი 25.36%-ის შესაბამისი აქციების გამოსყიდვას.

ლიბერთი ბანკის ჩვეულებრივი აქციების გამოსასყიდი ფასი შეადგენს, 1 აქციაზე 3,72  თეთრს,  კონვერტირებადი პრივილეგირებული აქციების გამოსასყიდი ფასი შეადგენს 1,223 ლარს 1 აქციაზე.

სავალდებულო სატენდერო შეთავაზება მოქმედებს 2017 წლის 25 ნოემბრიდან 2017 წლის 25 იანვრის ჩათვლით.

დაინტერესებულმა პირებმა ლიბერთის სათაო ოფისს უნდა მიმართონ.

ამასთან, EFG გეგმავს შეისყიდოს ის რაოდენობა, რომელზეც აქციონერები გამოხატავენ თანხმობას, ამასთან წინამდებარე თარიღისთვის ლიბერთი ბანკის მიერ გამოშვებული ჩვეულებრივი აქციების დარჩენილი 25.36%-ის, ანუ 1,130,337,978 ჩვეულებრივი აქციის სრულად გაყიდვის თანხმობათა არსებობის შემთხვევაში მყიდველი გამოისყიდის აქციათა სრულ რაოდენობას და ასევე მზადაა გამოისყიდოს ყველა პრივილიგირებელი აქციაც.