თბილისი (GBC) - Olayan Financing Co-ის აღმასრულებელი დირექტორი  მომავალ წელს, საინვესტიციო კლიმატისა და ქვეყნის უკეთ გაცნობის მიზნით,  თავის ჯგუფთან ერთად,  საქართველოს ეწვევა. 

საქართველოში ჩამოსვლის სურვილი ლუბნა ოლაიანმა   საქართველოს ელჩთან საუდის არაბეთში, გიორგი ჯანჟღავასთან  შეხვედრის დროს გამოთქვა, სადაც მას ამომწურავი ინფორმაცია მიეწოდა, როგორც  ორ ქვეყანას შორის საქმიანი ურთიერთობების მზარდი დინამიკის, აგრეთვე  საქართველოს ბიზნეს გარემოსა და საინვესტიციო შესაძლებლობების შესახებ.

საელჩოს ცნობით, ლუბნა ოლაიანი  Forbes-ის მიერ   ბოლო რამდენიმე წელია, არაბული სამყაროს ყველაზე გავლენიან  ქალად სახელდება, მისი ოჯახის მფლობელობაშია „Olayan Group-ი“, რომლის  კაპიტალიც 8 მილიარდ აშშ დოლარია.