თბილისი (GBC) - სტარტაპერი Falcon Group, რომელიც ტურისტებს ემსახურება, სერვისების სპექტრს აფართოებს.

კომპანია უცხოელ  და ადგილობრივ   მომხმარებელს  თბილისის ცენტრალურ და ტურისტულ ადგილებში 15 - ზე მეტ კომფორტულად მოწყობილ ბინას სთავაზობს, მაღალი დონის მომსახურებით.

ბინების დაჯავშნა რამდენიმე ტურისტული პორტალიდან Booking.com, Airbnb.com, Expedia.com არის შესაძლებელი.

„ფასები სეზონურობის მიხედვით იცვლება. სეზონზე  1 ღამის ღირებულება 55$-110$_ის ფარგლებში მერყეობს, ხოლო არასეზონურად, 40$-70$-ს შეადგენს.“-ამბობს კომპანიის გენერალური მენეჯერი თაკო ცირეკიძე.

გარდა ამისა, კომპანია მომხმარებელს  მანქანების და სკუტერების გაქირავების სერვისსაც სთავაზობს.

შეგახსენებთ, Falcon Group ქართულ  ბაზარზე ერთი წელია რაც გამოჩნდა და ერთი ბრენდის ქვეშ  ორ კომპანიას  falcon apartments-სა და “Carbooking.com-ს” აერთიანებს.