თბილისი (GBC)- 2018 წლის ბიუჯეტის დეფიციტი  3%-მდე მცირდება. 

განახლებული პარამეტრებით, ცვლილებები  საფინანსო -საბიუჯეტო კომიტეტზე განიხილეს. პლენარულ სხდომაზე  კი ფინანსთა სამინისტრომ   უნდა დაასაბუთოს  რა ნაკადები ამცირებს დეფიციტს უპრეცედენტოდ დაბალ ნიშნულამდე.

ფინანსთა მინისტრის მოადგილემ, გიორგი კაკაურიძემ  საკომიტეტო მოსმენაზე  განაცხადა, რომ ბიუჯეტის წინა პროექტში არსებული 3.3%-ის ანალოგიურად, განახლებულში  განსაზღვრული მოდიფიცირებული დეფიციტი (სახელმწიფო ფინანსების მართვის 2001 წლის კლასიფიკაციაზე დაფუძნებული)  3%-ია (ნომინალურ გამოხატულებაში ₾1.206 მლრდ).  მინისტრის მოადგილის განმარტავს, საბიუჯეტო კოდექსით, დეფიციტი 1.6%-დან 1.4%-მდე მცირდება.

გრანტებით (70 მლნ) და სხვა შემოსავლებით (25 მლნ) ბიუჯეტის შემოსულობები, განახლებულ ვარიანტში,  95  მლნ-ით, 12 393 მლრდ-მდე იზრდება, ხარჯები ₾12.4 მლრდ -მდე.

ყველაზე მეტი დაემატა კულტურის და სოფლის მეურნეობის სამინისტროებს,  +14.5 მლნ: +10 მლნ, კინომატოგრაფიის ცენტრის პროექტებისთვის და  ფაროსანასთან ბრძოლისთვის 

წყარო:  ფინანსთა სამინისტრო

რეგიონული პროექტების ფონდის ბიუჯეტია ₾240 მლნ, მაღალმთიანების -₾20 მლნ.

მუნიციპალიტეტების ტრანსფერები- 720 მლნ. მთავრობის სარეზერვო ფონდის - ₾50 მლნ, პრეზიდენტის - ₾ 5 მლნ.