თბილისი (GBC) -  ლიბერთი ბანკს ახალი სამეთვალყურეო საბჭო ჰყავს. 

ბანკის მფლობელის ცვლილების და ლადო გურგენიძის წასვლის შემდეგ, საბჭო კიდევ 4 წევრმა დატოვა:  მარტინ პოლ გრემმა,  ნურლან აბდუოვმა,  ალექსეი იუსფინმა და  მალიკ იშმურატოვმა.  შედეგად, საბჭოში რჩებიან გიორგი კალანდარიშვილი, ირაკლი რუხაძე და დავით შონია. 

ამ ეტაპზე უცვლელია დირექტორთა საბჭოს შემადგენლობა. გენერალური დირექტორის პორტფელს ინარჩუნებს ალექსი ხოროშვილიც. 

შეგახსენებთ, ლიბერთი ბანკი გაიყიდა. აქციათა 74.64%-იანი წილი ნიდერლანდების სამეფოში დაარსებულმა კომპანიამ European Financial Group B.V.-მ (EFG) შეიძინა. 

ამ გარიგების შედეგად ბანკის ბენეფიციარი მესაკუთრეები გახდნენ ირაკლი რუხაძე (აშშ-ის მოქალაქე), ბენ მარსონი (გაერთიანებული სამეფოს მოქალაქე) და იგორ ალექსეევი (აშშ-ის მოქალაქე).