თბილისი (GBC) – სებ-ს მონეტარული პოლიტიკის  განაკვეთის აწევა მოუწევს, - ეკონომისტ  ნიკა შენგელიას უჭირს პროგნოზირება, რეფინანსირების 7%-იანი განაკვეთის  გაზრდა მპკ-ის 25  ოქტომბერს  მოუწევს თუ  მომავალ სხდომაზე,  თუმცა ზუსტად იცის, რომ  ამ წელს ყოველ მიზეზგარეშე გაზრდის, რადგან ინფლაციურ პროცესებს სხვაგვარად ვერ მოთოკავს.

ექსპერტი  ინფლაციური პროცესების  ესკალაციას გაზაფხულისთვის  წინასწარმეტყველებს X+8%  ფორმულით.   ამბობს, რომ  სამომხმარებლო ყველა პროდუქტის ფასი საგრძნობლად მოიმატებს, უკეთეს შემთხვევააში 8%-ით , უარესში - 12%-ით.

მისივე  თქმით,  ლართან მიმართებაში აშშ დოლარის  $1/₾ 2.50-2.53  დიაპაზონი მან ჯერ კიდევ სექტემბერში იწინასწარმეტყველა, „ავია თუ კარგია ჩემი პროგნოზი სრულდება“, - შენგელია პროცესების შესაჩერებლად  მართვაში სებ-ის ჩართვის და  საკანონმდებლო მხარდაჭერის  საჭიროებას  ხედავს.

ფიქრობს, რომ ზედამხედველი  2 ბანკის მომსახურების სააგენტოს ფუნქციიდან უნდა გამოვიდეს და  ლარის სტაბილურობაზე იზრუნოს.  შენგელია  $283 მლნ-ის  მიზნობრიობაზე აცხადებს, რომელიც  სებ-ისთვის სავალუტო ფონდს  აქვს გამოყოფილი.

სებ-ის ანალიტიკოსები ექსპერტს და საზოგადოებას კიდევ ერთხელ განუმარტავენ, რომ  $40-40 ტრანშებად გაწერილი დაფინანსება, რომლის პირველი  $40 მლნ მიღებულია  და მომდევნოს დეკემბერში მიიღებენ,   რეზერვების შესავსებადაა, რაც  ფინანსურ სტაბილურობას ემსახურება.

ნიკა შენგელია კურსის ნახტომისებურ რყევას  სავალუტიო ბაზარზე 2 მსხვილი ბანკის  უკონტროლო ვაჭრობებს  უკავშირებს, რომლის მიმართაც ქვეყნის ეკონომიკა სენსიტიურია, რადგან   შემოსავალი მოსახლეობაში არ ტრიალებს,  ფასიანი ქაღალდების ინსტრუმენტები კომერციული ბანკების ხელშია. მე-2 ფაქტორია უმუშევრობა, რომლის დაძლევა მას საკანონმდებლო ბერკეტით შესაძლებლად მიაჩნია.  ამბობს, რომ სტანდარტებში უნდა მოექცეს შრომის ბაზარი. მან მაგალითისთვის მაღაზიის მოლარე ოპერატორი მოიხმო,  რომელიც  საერთაშორისო  რეგულირებით  დღეში მხოლოდ  4 სთ-ის განმავლობაში უნდა  მუშაობდეს, ამასთან არც სხვა საქმეს უნდა  ითავსებდეს.