თბილისი (GBC) - 17 ოქტომბერს  სიღარიბესთან ბრძოლის საერთაშორისო დღეა.

ამავე დღეს გადასახადებისგან თავის არიდების გამო დააპატიმრეს მაფიის „დიდი ბოსი“ ალ კაპონე, რომელსაც  11 წლიანი პატიმრობა მიესაჯა.  „ პატიოსნად გადაიხადე სახელმწიფო გადასახადები“, - ეს ერთ-ერთია ყველა მაფიოზისთვის სავალდებულო წესებს შორის, ამბობენ, რომ ეს წესი მაფიამ სწორედ ალ კაპონეს დაკავების გამო შემოიღო.

ამ დღეს კიდევ არაერთი მოვლენა მოხდა, რომელიც რადიო „თანამგზავრმა“ გაიხსენა.

1825 : პარიზში გაიმართა 13 წლის კომპოზიტორის ფერენც ლისტის ოპერის „დონ სანჩო და სიყვარულის  სასახლე“-ს პრემიერა.

1831 : მაიკლ ფარადეიმ წარმატებით გამოსცადა ელექტრო დინამო და აღმოაჩინა ელექტრომაგნიტური ინდუქცია.

1855 : ინგლისელმა ჰენრი ბესემერმა დააპატენტა ფოლადის მიღების პროცესი.

1888 : თომას ედისონმა  ოპტიკური ფონოგრაფი  დააპატენტა.

1902 : დეტროიტის საავტომობილო ქარხანამ  პირველად გამოუშვა კადილაკის  მარკის ავტომობილი.

1918 : რევოლუციის შემდეგ, უნგრეთმა ავსტრიისგან დამოუკიდებლობა გამოაცხადა.

1931 : საშემოსავლო გადასახადისგან თავის არიდების გამო მაფიის ბოსი ალ კაპონე დააპატიმრეს.

1933 : ნაცისტური გერმანიიდან ლტოლვილი ალბერტ აინშტაინი   ნიუ იორკში ჩავიდა.

1967: ნიუ-იორკში გაიმართა მიუზიკლ „თმები“-ს პრემიერა.