თბილისი (GBC) - ქართული პროდუქციის პოპულარიზაციის ხელშეწყობისთვის 10 ოქტომბერს პირველი მასშტაბური ფორუმი იმართება. 

ღონისძიებას  ჰოთელს & პრეფერენს ჰუალინგ თბილისი უმასპინძლებს.

„ერთ სივრცეში შეხვდებით მწარმოებლებს, საცალო & საბითუმო სავაჭრო ცენტრებს / ქსელებს / მაღაზიებს, სასტუმროებს, რესტორნებსა და კაფეებს, დისტრიბუტორებს, საბითუმო ბაზრობებს, სატრანსპორტო / საფოსტო / კურიერულ კომპანიებს, სერტიფიცირების მომსახურების მიმწოდებელ კომპანიებს, უცხოეთიდან ჩამოსულ ექსპორტიორებს & buyer-ებს, საზღვარგარეთ საქართველოს დიპლომატიური მისიების წარმომადგენლებს, ემიგრანტებსა და დიასპორულ ორგანიზაციებს, უცხო ქვეყნების საელჩოების წარმომადგენლებს საქართველოში, უცხოურ სავაჭრო პალატებს, სფეროში მომუშავე საერთაშორისო ორგანიზაციებს / პროექტებს, ქართულ ბიზნეს გაერთიანებებს, ბიზნეს მედიას, მთავრობის და პარლამენტის წევრებს, - ახადებენ ღონისძიების ორგანიზატორ ორგანიზაცია  KAR. ge-ში.

 ღონისძიება 09:30 გაიხსნება პროდუქციის ექსპოთი. 11:00-დან ბიზნეს ფორუმზე იქნება გამოსვლები და პანელური დისკუსიები. მთელი ფორუმის განმავლობაში შედგება B2B შეხვედრები. სპეციალურად საერთაშორისო ფორუმისათვის ჩამოდიან ექსპორტიორები აშშ-დან, ისრაელიდან, რუსეთიდან, ჰოლანდიიდან და სამხრეთ კორეიდან.