თბილისი (GBC) - მაგთი მომხმარებელს ინტერნეტის გათიშვაზე აფრთხილებს.  

"მაგთიკომი გაცნობებთ, რომ დაგეგმილი ტექნიკური სამუშაოების გამო, 4 ოქტომბრიდან  5 ოქტომბრის ღამეს,  02:00 საათიდან 02:30 საათამდე პერიოდში, მთელი საქართველოს მასშტაბით, გაითიშება 3G ქსელი, რაც გამოიწვევს აქტიური სესიების გაწყვეტას.  მითითებულ პერიოდში  სადგურების გათიშვა მოხდება ეტაპობრივად მაქსიმუმ 5 წუთით", - აცხადებს კომპანია და აღნიშნავს, რომ  მომხმარებლებს შესაძლოა დასჭირდეთ თავიანთი აპარატურის გადატვირთვა (თუ მათი მოწყობილობა ავტომატურად არ ახდენს PDP სესიის გახსნას).