თბილისი (GBC) – “ჩაკრულოს კვირეულში“ (25-28 სექტემბერი)  NASA-დან მოწვეული სტუმრები,  რობ მენინგი და ჯონ კასანი ტექნოპარკში სტარტაპერებს შეხვდნენ (მარსის პროგრამის ინჟინერი  და Voyager-ის  ერთ-ერთი შემქმნელი).

მათი ვიზიტი ისტორიული კოსმოსური მისიის 40 წლის იუბილეს ემთხვევა.  1977 წელს, ამერიკელი მეცნიერის კარლ სეიგანის ინიციატივით, NASA-მ Voyager-ით კოსმოსში „ოქროს ჩანაწერი“ გაგზავნა, რომელზეც 27 მუსიკალურ ნაწარმოებს შორის იყო ქართული „ჩაკრულო“.

კვირეულის ფარგლებში, რამდენიმე ღონისძიებაა მათ შორის Voyager-ის შესახებ „ემი“-ზე ნომინირებული რეჟისორის,  ემერ რეინოლდსის დოკუმენტური ფილმის ჩვენება.

კვირეულ რობ მენინგი მარსის კვლევების პრეზენტაციით დახურავს. დასკვნითი ღონისძიება  28 სექტემბერს ზ. ფალიაშვილის სახელობის ოპერისა და ბალეტის სახელმწიფო თეატრში  გაიმართება.