თბილისი (GBC) -  საქართველოს ახალი გენერალური აუდიტორი ჰყავს. 

აუდიტის სამსახურის უფროსის პოსტზე პარლამენტმა 80 ხმით, ირაკლი მექვაბიშვილი აირიჩია. 

მექვაბიშვილს საფინანსო ინსტიტუტებში მუშაობის მდიდარი გამოცდილება აქვს-მათ შორის, ეროვნულ ბანკსა და ევროპის რეკონსტრუქციისა და განვითარების ბანკში - ის იყო EBRD-ის ასოცირებული დირექტორი და მთავარი ბანკირი. 

ირაკლი მექვაბიშვილმა უკვე განაცხადა, რომ  სახელმწიფო აუდიტის სამსახურის საქმიანობა ოთხ ძირითად პრინციპსა და ღირებულებაზე იქნება დამყარებული - ეს არის ობიექტურობა, დამოუკიდებლობა, პროფესიონალიზმი და საჯაროობა.

გეგმავს სამსახურის თვისობრივი გადახალისება მოხდეს ტექნოლოგიური განვითარების თვალსაზრისით. 

" ჩვენ უნდა ვხედავდეთ ყველა სისტემურ რისკს საჯარო ფინანსებში, ხდებოდეს ამის ადეკვატური შეფასება და რეაგირება“, - განაცხადა პარლამენტში განხილვებისას  მექვაბიშვილმა.