თბილისი (GBC) –  ლარის გაუფასურება  პურის ფასზე არ  იმოქმედებს.

ბიზნეფედერაციის ხელმძღვანელი  ლევან სილაგავა  გაძვირების საფრთხეს  ხორბლის დიდი მოსავლის, მისი სიიაფის  და საკმარისი მარაგების გამო ვერ ხედავს. ამ დროისთვის 800 გ პურის სტანდარტული ფასი 0.8-1.8₾ -ის ფარგლებშია.

სასურსათო ხორბალი (1 ტონა)  $180-190  ღირს და ეს ტრენდი ბოლო 3 წლის განმავლობაში შენარჩუნებულია.

მარკეტინგული წელი ივნისიდან იწყება, პირველი მოსავლის აღებისას . იმ დროს მარაგებიც ბევრია და შესაბამისად  ტრეიდერები მხოლოდ საჭირო რაოდენობით ყიდულობენ.  ზაფხული-შემოდგომის პერიოდი პასიურია და მხოლოდ იანვარ-თებერვლიდან იწყება მარაგების შესყიდვა.

ლევან სილაგავას თქმით, ბოლო  3 წლის  განმავლობაში საქართველო მხოლოდ რუსეთიდან იმპორტირებულ ხორბალს მოიხმარს, მცირედი პარტიებით (2%) პერიოდულად ერევა ყაზახური, სადაც მოსავალ საშემოდგომოდ იღებენ.