თბილისი (GBC) - ენერგეტიკისა და წყალმომარაგების მარეგულირებელმა ეროვნულმა კომისიამ, კომპანია „აჭარის წყალის“ სახელზე ელექტროენერგიის წარმოების ლიცენზია გასცა.

კომპანია შუახევის მუნიციპალიტეტის მიმდებარედ 178.7 მგვტ სიმძლავრის ჰიდროელექტროსადგურს ფლობს.

„შუახევი ჰესი“, 2 ჰიდროაგრეგატით, ექსპლოატაციაში 2017 წელს შევიდა.

ჰესის საპროექტო გამომუშავება - 429 მლნ კვტ/სთ. „შუახევი ჰესი“ სიმძლავრით, საქართველოში არსებულ ჰიდროელექტროსადგურებში რიგით მეოთხე სადგურია.