თბილისი (GBC) - ცვლილებების მოლოდინში,  „ლიბერთი ბანკის“ აქციებზე ფასი ზრდის ტრენდს აჩვენებს.

24 აგვისტოს საფონდო ბირჟის სავაჭრო სესიაზე ბანკის აქციები 42.86 % -ით გაძვირდა. 10 000 აქცია, თითო 0.03 თეთრად გაიყიდა. აღნიშნული 2011 წლის 4 მაისიდან მაქსიმალური თანხაა, რაც ბირჟაზე "ლიბერთის" 1 აქციაში გადაუხდიათ.

ბანკს 5,502,254,354  ფასიანი ქაღალდი  აქვს გამოშვებული,  ეს იმას ნიშნავს, რომ მისი საბაზრო ღირებულებაც 49.5 მლნ ლარით გაიზარდა და  დღეისათვის 165 მილიონს  აჭარბებს.

როგორც იცით, „ლიბერთი ბანკის“ გაყიდვის პროცედურაა დაწყებული. აქციონერების გადაწყვეტილებით, გაყიდვაზე სებ-ის თანხმობის მოპოვების შემთხვევაში, სამეთვალყურეო საბჭოში შევლენ  ირაკლი რუხაძე, გიორგი კალანდარიშვილი და დავით შონია.