თბილისი (GBC) - დღეს, მზის სრული დაბნელება ამერიკელი დამსაქმებლებს მინიმუმ 700 მლნ დოლარი დაუჯდება, - ასეთია სააგენტო Challenger, Gray & Christmas-ის შეფასება. 

სააგენტო მიიჩნევს, რომ ამ ზარალს კომპანიები შრომის პროდუქტიულობის დაცემის გამო მიიღებენ, კერძოდ, თითოეული კომპანიის თანამშრომელი მინიმუმ 20 წუთით მოცდება სამუშაოს, რათა პროცესს თვალი ადევნოს. 

"20 წუთი ეს ძალიან მოკრძალებული გათვლაა, - ეს განცხადება სააგენტოს ვიცე-პრეზიდენტმა ენდი ჩელენჯერმა ჯერ კიდევ პარასკევს გააკეთა, ის მიიჩნევს, რომ ბევრ პირს უფრო მეტი დრო დასჭირდება პროცესისთვის თვალის სადევნებლად.

"ძალიან ცოტა თუ აღმოჩნდება,  ვინც ქუჩაში არ გავა, როდესაც ასტრონომიული სასწაული ხდება"  - აღნიშნა ჩელენჯერმა, რომელიც მიიჩნევს, რომ მზის დაბნელების დროს სამუშაოებზე 87 მლნ ამერიკელი  იქნება.

საერთო მაჩვენებლის მისაღებად ჩელენჯერმა დასაქმებულების რაოდენობა მათ საშუალო საათობრივ ანაზაურებაზე გაყო. ის აღნიშნავს, რომ მიღებული 700 მლნ ძალიან მცირეა და ის  არც ერთ მაკროეკონომიკურ მაჩვენებელში არ აისახება.