თბილისი (GBC) - პლანეტის უმდიდრესმა ადამიანმა ბილ გეითსმა, ქველმოქმედებისთვის Microsoft-ის კიდევ 64 მლნ აქცია გაიღო, რომელთა ღირებულება 4.6 მლრდ დოლარია.

Forbes-ის ცნობით, ეს იმას ნიშნავს, რომ გეითსის ქონება $89.8 მილიარდიდან 85.2 მლრდ დოლარამდე შემცირდა და თუ ამ დრომდე ის Microsoft-ის 2.3%-იანი წილს ფლობდა, ახლა მის ხელში არსებული პაკეტი კომპანიის  1.3%-ს უდრის. გავლენიანი გამოცემა იმასაც აღნიშნავს, რომ ამ დროისათვის, გეითსის ქონებაში Microsoft-ის აქციებს მხოლოდ 9% უჭირავს.

აღსანიშნავია ისიც, რომ ეს შეწირულობა ბოლო 17 წლის განმავლობაში უმსხვილესია. მანამდე, 1999 წელს ბიზნესმენმა  ქველმოქმედებისთვის $16 მილიარდი გაიღო, 2000 წელს $5.1 მლრდ.

 გეითსის მიერ გაღებული თანხა მალარიასთან ბრძოლას მოხმარდება.