თბილისი (GBC) -  კოოპერატივები, რომლის მეპაიეთა მფლობელობაში 200 სული ფური ან/და დეკეულია სახელმწიფოს მხარდაჭერით ისარგებლებენ.

სოფლის მეურნეობის სამინისტროს ცნობით, მათ სათიბ-საძოვრები და  შესაბამისი აღჭურვილობა - ტრაქტორები, სათიბები, ასევე  სხვა საჭირო ინვენტარი იჯარით გადაეცემათ.

„მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალურად გამოყენების“ სახელმწიფო პროგრამა ახალციხის  მუნიციპლიტეტის მაღალმთიანი სოფლების მოსახლეობას უკვე გააცნეს.

ახალი პროგრამის ფარგლებში, რომელსაც სოფლის მეურნეობის სამინისტრო რეგიონული განვითარებისა და  ინფრასტრუქტურის სამინისტროსთან ერთად  ახორციელებს,  რაციონალურად და სწორად მოხდება სახელმწიფოს საკუთრებაში არსებული სათიბ-საძოვრების გამოყენება.

სახელმწიფო პროგრამის გეოგრაფიული არეალი მაღალმთიანი სტატუსის მქონე 29 მუნიციპალიტეტს მოიცავს. ერთ მუნიციპალიტეტში დაკმაყოფილდება ერთი განაცხადი.