თბილისი (GBC) - მსოფლიო ახალი ფინანსური კრიზისის მოლოდინშია.

Bloomberg-ის ინფორმაციით, აშშ-ში ივნისის თვეში საკრედიტო ბარათებით გადახდების დავალიანებამ 1 ტრილიონ დოლარს გადააჭარბა, რაც რეკორდული თანხაა 2008 წლის ფინანსური კრიზისის შემდეგ.

მსხვილ კრედიტორთა შორის აღმოჩნდენ ისეთი კომპანიები, როგორიცაა Citigroup და JPMorgan Chase.

აშშ-ში მდებარე საბანკო სფეროს წარმოამდგენლები იმედოვნებენ, რომ საქმე არც ისე რთულად იქნება, როგორც 2008 წელს იყო. მაშინ აშშ-ში უძრავ ქონებაზე ფასების დაცემამ ფინანსური კრიზისი გამოიწვია,  უმუშევრობის 10 პროცენტამდე გაზრდის გამო კი, ბანკებს მომდევნო ორი წლის განმავლობაში საკრედიტო ბარათებიდან 100 მილიარდი დოლარის ჩამოწერა მოუხდათ.

აშშ-ს ფედერალური სარეზერვო სისტემის ხელმძღვანელის, ჯანეტ იელენის განცხადებით, ყველაფერი უნდა გაკეთდეს იმისთვის, რომ „ამ საუკუნეში ფინანსური კრიზისი არ მოხდეს“. იელენი ირწმუნება, რომ აშშ-ს ფინანსური სისტემა უფრო ძლიერი და მოქნილია, ვიდრე ეს 2008 წელს იყო.

საპირისპიროს ამტკიცებს ამერიკელი ინვესტორი, Rogers Holdings-ის მფლობელი ჯიმ როჯერსი, რომლის ვარაუდით, ფინანსურ კრიზისს აშშ 2017 წლის ბოლოდან უნდა ელოდოს, რაც  2018 წელს სერიოზულ სახეს მიიღებს.