თბილისი (GBC) - საქართველოს ჯანდაცვის ჯგუფმა (GHG) 2 საავადმყოფოს შეძენაზე განაცხადა.

კომპანიის ცნობით, მის მფლობელობაში გადადის ხაშურისა და ქარელის კლინიკები, რომლებიც ადრე IC Group-ს ეკუთვნოდა.

გარიგების ღირებულება, ნაღდი ანგარიშსწორებით, 10 მლნ ლარია (GBP3.2).

კლინიკები შესაბამისად, 65 და 25 საწოლიანია.

GHG-ი ამჟამად 22 საავადმყოფოს ფლობს, რაც ჯამში 555 საწოლი ადგილია.

სადაზღვევო კომპანია IC Group-მა ჰოსპიტალური სექტორიდან გასვლაზე რამდენიმე თვის წინ განაცხადა და კლინიკების ნაწილი  „ალიანს მედ სერვისს" მიყიდა. 

ივნისში კომპანიის მაჟორიტარმა აქციონერმა თენგიზ მეზურნიშვილმა GBC-ს განუცხადა, რომ მიიღეს გადაწყვეტილება გაემიჯნათ სადაზღვევო და სამედიცინო საქმიანობა, შედეგად აქცენტი ფინანსურ მომსახურებაზე გაკეთდება.