თბილისი (GBC) –  ანაკლიის პორტის მშენებლობის არეალში მოყოლილ კიდევ 4 მესაკუთრეს  ქონებას ჩამოართმევენ.

საუბარია ჯამურად 10 464 კვ. მეტრ მიწაზე. ქონების ექსპოპრიაციის უფლება „სახელმწიფო ქონების ეროვნულ სააგენტოს“ უკვე მიენიჭა, რადგანაც  მესაკუთრეებმა, ქონების ღირებულებაზე შეუთანხმებლობის გამო,  უძრავი ქონების ნებაყოფლობით დათმობაზე უარი განაცხადეს. აღსანიშნავია, რომ ექსპოპრიაციის შემთხვევაში ამ ქონების სანაცვლოდ ისინი კონსტიტუციით გარანტირებულ წინასწარ, სრულ და სამართლიან ანაზღაურებას მაინც მიიღებდნენ.

ცოტა ხნის წინ ცნობილი გახდა, რომ 9 მესაკუთრემაც უარი განაცადა შეთავაზებულ კომპენსაციაზე და მათი ქონებაც, სულ 14 700 კვ.მ მიწის ნაკვეთები ექსპოპრიაციას დაექვემდებარა.

შეგახსენებთ, სახელმწიფო ინვესტორს 340 ჰა მიწას გადასცემს, სადაც ღრმაწყლოვანი ნავსადგური და სხვა ინფრასტრუქტურა განთავსდება.

პორტის მშენებლობის არეალში 505 მიწის ნაკვეთი, 50 საცხოვრებელი სახლი, 1 კომერციული ობიექტი და 255 სათავსო მოყვა.   

განსახლებაზე ყველა ხარჯის გათვალისწინებით 96 მლნ ლარი იყო გამოყოფილი.