თბილისი (GBC) - უმსხვილესი რუსული ინტერნეტ-კომპანია "იანდექსი" და ამერიკული Uber  6 ქვეყანაში, მათ შორის საქართველოში ბიზნესის გაერთიანებაზე შეთანხმდნენ, - იტყობინება Reuters-ი. 

კომპანიებმა ერთობლივი განცხადება გაავრცელეს, სადაც აღნიშნულია, რომ რუსეთში, სომხეთში, აზერბაიჯანში, ბელარუსში, საქართველოში და ყაზახეთში ახალ კომპანიას ქმნიან, რომელშიც გაერთიანდება სერვისი UberEATS. 

გარიგება 2017 წლის  მეოთხე კვარტლის ბოლოს გაფორმდება. ახალ კომპანიაში Uber -ი  225 მლნ დოლარს, "იანდექსი" 100 მლნ დოლარს ჩადებს. კომპანიას 3.725 მლრდ დოლარად აფასებენ. 

ამასთან, ახალ კომპანიაში იანდექსის წილი 59.3 % იქნება, 36,6  - Uber-ის და 4.1% სხვა პარტნიორების. 

Yandex ტაქსი საქართველოში გასულ წელს შემოვიდა, ხოლო Uber ამ ეტაპზე საქართველოში არ ოპერირებს.