თბილისი (GBC) - "კრედიტპლატფორმამ" საზოგადოებას თვითრეგულირების კოდექსი წარუდგინა.

საფინანსო კომპანიაში ამბობენ, რომ შემუშავებული კოდექსი ეხება ზოგიერთ ისეთ სფეროსაც, რომელიც არ რეგულირდება საქართველოს კანონმდებლობით ან ეროვნული ბანკის მიერ.

"ჩვენ გთავაზობთ ბაზრის რეგულირების ჩვენებურ ვარიანტს და  მიგვაჩნია, რომ მომხმარებლებსა და საზოგადოებასთან ამ სფეროებზე ჩვენი პოზიციის დეკლარირება გაზრდის ურთიერთობისა და ნდობის ხარისხს", - აცხადებენ კომპანიაში.   

მენეჯმენტი აღნიშნავს, რომ მათი საქმიანობის  უმთავრესი პრინციპებია: ბაზარზე სამართლიანი წესების დამკვიდრება, მომხმარებელთა უფლებების დაცვა და იპოთეკური სესხის ბაზრის ეფექტურობის გაზრდა.

 კოდექსი უკვე საჯაროა და ხელმისაწვდომია "კრედიტპლატფორმას" ოფიციალურ საიტზე https://creditplatform.ge/binaries/content/assets/documents/cp-codex.pdf