თბილისი (GBC) - არაბულმა "გრინ ვალეი დეველოპმენტმა” კვარიათში ახალი ახალი სასტუმრო კომლექსის „თვინ თაუერსის“ მშენებლობა დაიწყო. 

 ,,თვინ თაუერსი“ წარმოადგენს სასტუმრო კომპლექსს, რომელიც არის ერთ-ერთი პირველი დიდი არაბული ინვესტიცია საქართველოს ტერიტორიაზე. რეგიონში განხორციელდება 30 მილიონის  ინვესტიცია, რაც მნიშვნელოვანია ეკონომიკური ზრდისა და განვითარებისთვის. ასევე ხელს შეუწყობს და უზრუნველყოფს სამუშაო ადგილების შექმნას. დასაქმდება 500-მდე საქართველოს მოქალაქე", - აღნიშნა მშენებლობის დაწყების ცერემონიალზე აჭარის მთავრობის თავმჯდომარემ. 

პროექტით გათვალისწინებულია ორი 28 სართულიანი და ერთი 20 სართულიანი   ნაგებობის აშენება. 

კომპლექსში განთავსდება ერთ-ერთი ყველაზე დიდი სავაჭრო ცენტრი რეგიონში, სპორტულ გამაჯანსაღებელი და სარეკრეაციო ზონა, ზღვისპირა რესტორნები და კაფე-ბარები, შიდა და გარე ავტოსადგომი.

 მშენებლობა 2021 წლის ზაფხულში დასრულდება.