თბილისი (GBC) - ჰიგიენის ინდუსტრია ერთ-ერთი უმსხვილესი ინდუსტრიაა მსოფლიოში, ყოველწლიურად ხდება ახალი პროდუქტების შექმნა და წარმოება. მათ რეკლამირებას კი საყოველთაოდ ცნობილ ადამიანებს ანდობენ, რაც ხშირ შემთხვევაში განსაზღვრავს პროდუქციის გაყიდვების წარმატებას.

სატელევიზიო რეკლამის მონიტორინგის ფარგლებში, IPM -მა 2017 წლის პირველი კვარტლის მონაცემები მიმოიხილა.

კერძოდ, სატელევიზიო ეთერში რეკლამების გასვლების რაოდენობით, ჰიგიენის ინდუსტრიას საკმაოდ მაღალი წილი უჭირავს - 8,3% და ის ამ მონაცემით, ლიდერ ოთხეულში ხვდება.

მთლიანად სატელევიზიო სივრცეში ჰიგიენის სექტორში განთავსდა 14 378 სარეკლამო რგოლი, აქედან ლიდერ კატეგორიას წარმოადგენს საბავშვო პროდუქციის კატეგორია, მისი წილი სექტორიდან არის - 33,57%. პირის ღრუს საშუალებების წილი 27%-ია, ხოლო შამპუნისა და საპონის რეკლამის წილი 19%.

რაც შეეხება სხვა ჰიგიენური საშუალებების რეკლამის წილს 9%-ია, წვერის საპარსი საშუალებების 6%, ქაღალდის ჰიგიენური საშუალებების 4%, ხოლო პარსვის შემდეგ საშუალებების 1%.