თბილისი (GBC) - "კახური ტრადიციული მეღვინეობა" (KTW) ჩინეთის ბაზარზე პოზიციების გამყარებას გეგმავს. 

კომპანია ჩინეთში სავაჭრო წარმომადგენელს ეძებს და ამ მიზნით ვაკანსიაც გამოაქვეყნა. განაცხადების მიღება 3 აგვისტოს მთავრდება. 

ახალმა მენეჯერმა ჩინური ბაზრის კვლევა/ანალიზი უნდა ჩაატაროს, მარკეტინგული აქტივობები დაგეგმოს, მათ შორის მოაწყოს შეხვედრები, დეგუსტაციები, ასევე მოახდინოს პარტნიორი კომპანიების მხარდაჭერა, ურთიერთობების გაღრმავება და სხვა.

აღსანიშნავია, რომ KTW ერთ-ერთი პირველი ქართველი მწარმოებელია, რომელმაც ჩინეთის ბაზარზე ღვინის მსხვილი პარტიის მიწოდება დაიწყო. 

გასულ წელს გაფორმებული ხელშეკრულებით, კომპანიამ შემოდგომამდე ჩინეთის 25 პროვინციაში 1 მლნ ბოთლი ჭაჭის, ბრენდისა და ღვინის გადაზიდვა უნდა მოახდინოს.

აპრილში ჩინეთის ბაზარზე გაიტანა ექსპორტის ლიდერი ქართული ბრენდი “ძველი კახეთი”.