თბილისი (GBC) - უცხოელი ვიზიტორების ზრდამ ტურიზმიდან შემოსავალი გაზარდა.

ოფიციალური მონაცემებით, I კვარტალში ქვეყანამ უცხოური ტურიზმიდან 434.6 მლნ დოლარის შემოსავალი მიიღო, რაც 82 მილიონი (23.3%) მეტია 2016 წლის I კვარტალის მაჩვენებელზე.  

ტურიზმის წილი მთლიან შიდა პროდუქტში 2017 წლის პირველი კვარტლის მონაცემებით შეადგენს 6.8%-ს. ზრდა წინა წელთან შედარებით +0.8%-ია.

2017 წლის იანვარი-მაისის მონაცემებით საერთაშორისო მოგზაურების მიერ უცხოური საგადახდო ბარათებით განხორციელებულმა ოპერაციებმა 786,282 ათასი ლარი შეადგინა, წინა წლის ანალოგიურ მაჩვენებელთან შედარებით +33.4%-იანი ზრდა დაფიქსირდა.

აღსანიშნავია, რომ გასულ წელს ტურიზმიდან შემოსავალი 2.2 მლრდ ლარს შეადგენდა, ზრდა 230 მლნ დოლარზე მეტი იყო.