თბილისი (GBC) - საქართველოს  უმსხვილესი ბიზნეს ჯგუფი  BGEO ბიზნესების განცალკევებაზე აცხადებს.

ახალი სტრატეგიით, გაიყოფა საბანკო და საინვესტიციო ბიზნესი, რაც კომპანიის მფლობელთა შეფასებით, აქციონერებს დამატებით გრძელვადიან სარგებელს მოუტანს. 

გაყოფის შემდეგ, საქართველოს ბანკი და ჯგუფის საინვესტიციო ბიზნესი დამოუკიდებელ კომპანიებად ჩამოყალიბდება. 

 საინვესტიციო ბიზნესში იქნება წარმოდგენილი " საქართველოს ჯანდაცვის ჯგუფი", ენერგო აქტივების, GWP-ს, რუსთავისა და მცხეთის წყლები მფლობელი Georgia Global Utilities, სამშენებლო კომპანია m 2 და თელიანი ველი. აქვე გადაინაცვლებს "ალდაგიც". 

საქართველოს ბანკი რჩება უნივერსალურ ბანკად, კვლავ კახა კიკნაველიძის ხელმძღვანელობით და აქცენტი საცალო ბაზარზე წილის ზრდაზე, ონლაინ სივრცის გაფართოებაზე,  Solo-ს კლიენტების ზრდაზე და სხვა სტრატეგიულ მიმართულებებზე გაკეთდება.