თბილისი (GBC) - თვითმფრინავების ნაწილების მწარმოებელი ქარხნის მშენებლობა აქტიურ ფაზაშია. 

მშენებლობის მიმდინარეობა, დანადგარების ტრანსპორტირებისა და სერთიფიცირების შესახებ საპარტნიორო ფონდში იმსჯელეს, კომპანია Elbit Systems – Cyclone-ის საქართველოში ვიზიტის ფარგლებში. 

Elbit Systems – Cyclone Ltd -ის დელეგაციამ  კომპანიის აღმასრულებელი დირექტორის დევიდ ვიდანის ხელმძღვანელობით საავიაციო კომპოზიტური ნაწილების ქარხნის მშენებლობის მშენებლობის პროცესი დაათვალიერა.

კომპანიის წარმომადგენლებმა სამუშაო შეხვედრა გამართეს პროექტის კონტრაქტორ "ანაგის" მენეჯმენტთან და  პროცესთან დაკავშირებული დეტალები განიხილეს.

 Elbit Systems – Cyclone Ltd.-ისა და სს „საპარტნიორო ფონდის“ პროექტი მიზნად ისახავს თბილისში აშენდეს ქარხანა, სადაც მსოფლიოში წამყვანი საავიაციო კომპანიებისათვის სამოქალაქო თვითმფრინავის კომპოზიტური დეტალები დამზადდება. 

პროექტის ბიუჯეტი 85 მილიონი დოლარია.