თბილისი (GBC) -  სარკინიგზო შემადგენლობების მწარმოებელი შვეიცარიული კომპანია Stadler-ი საქართველოში რეგიონული ქარხნის აშენებას გეგმავს. 

კომპანიასა და საქართველოს მთავრობას შორის მემორანდუმის პარასკევს გაფორმება "საქართველოს რკინიგზის" წარმომადგენელმა, დაჩი ცაგურიამ "მაესტროზე" "ბიზნესკონტაქტის" ეთერში დაანონსა. 

მისი თქმით, Stadler Rail AG-ი დაინტერესებულია საქართველოში შემოსვლით, რადგანაც მოსწონს ბიზნესგარემო. 

"დაწყებულია ინტენსიური სამუშაოები და დიდი იმედი მაქვს, რომ ეს პროექტი ბოლომდე მივა", - ამბობს დაჩი ცაგურია. 

როგორც ცნობილია "საქართველოს რკინიგზამ"  Stadler-თან თანამშრომლობა გასულ წელს დაიწყო, კომპანიისგან ევროპული სტანდარტის და  ულტრათანამედროვე ტიპის უსაფრთხოების სისტემებით  აღჭურვილი  4 ორსართულიანი მატარებელი შეიძინა. პროექტის ჯამური ბიუჯეტი 39,8 მილიონი ევროა.