თბილისი (GBC) - 24 ივნისს კანადაში კვებეკის ეროვნული დღე და ამავე დროს ფრანგულად მოსაუბრე კანადელების დღეა, შოტლანდიაში  დამოუკიდებლობის დღეს, ეკვადორში კი, სან ხუან ბაუტისტას დღე აღინიშნება. სხვა მოვლენები რადიო "თანამგზავრმა" გაიხსენა: 

1314 :  ბენოკბერნესთან ბრძოლაში შოტლანდიის მეფე  რობერტ ბრიუსმა დაამარცხა ინგლისელების ჯარი ედუარდ II-ს მეთაურობით და აღადგინა შოტლანდიის დამოუკიდებლობა.

1497 :  ჯონ კაბოტმა კანადა (ნიუფაუნდლენდი) აღმოაჩინა.

1793 :  საფრანგეთის კონვენტმა მიიღო პირველი დემოკრატიული კონსტიტუცია, (რომელიც არ ამოქმედებულა) საფრანგეთი რესპუბლიკად გამოცხადდა.

1812 :  ნაპოლეონის ჯარმა მდინარე ნემანი გადალახა და შეიჭრა რუსეთის იმპერიის ტერიტორიაზე.

1901 :  პარიზში გაიხსნა 19 წლის ბარსელონელი მხატვრის  პაბლო რუის პიკასოს გამოფენა.

1930 : კოლუმბიის ოლქში, ანაკოსტიაში, თვითმფრინავის აღმოსაჩენად  პირველად გამოიყენეს რადარი.

1935 :  თბილისში, მუშტაიდის ბაღის ტერიტორიაზე  გაიხსნა საბჭოთა კავშირში პირველი საბავშვო რკინიგზის ხაზი.

1951 :  ტელეკომპანია სიბიესმა „CBS“ დაიწყო პირველი, ფერადი, კომერციული მაუწყებლობა.

1963: ინგლისში, ბი ბი სის სტუდიაში პირველად წარმოადგინეს საყოფაცხოვრებო ვიდეომაგნიტოფონი.