თბილისი (GBC) - 23 ივნისს  საერთაშორისო ოლიმპიური დღეა, ესპანეთში წმინდა ხუანის დღესასწაული, ყაზახეთში კი, პოლიციის დღე აღინიშნება.

23 ივნისი ისტორიაში გასულ წელს ბრიტანეთის რეფერენდუმითაც შევიდა - დიდი ბრიტანეთის მოქალაქეებმა ევროკავშირიდან გასვლას დაუჭირეს მხარი. ბლოკიდან გასვლის პროცედურა უკვე დაწყებულია ... სხვა მოვლენები რადიო „თანამგზავრმა“ გაიხსენა:

1724 : კონსტანტინოპოლში რუსეთსა და თურქეთს შორის დადებული ხელშეკრულებით, რუსეთმა კასპიის სანაპირო შეინარჩუნა, თურქეთმა კი - თბილისი და ერევანი.

1803 :  მდინარე სენაზე რობეტ ფულტონმა წარმოადგინა პირველი თბომავალი გემი.

1846 :  ბელგიელმა ადოლფ საქსმა მიიღო პატენტი საქსაფონის გამოგონებისთვის.

1860 :  შეიქმნა აშშ-ის საიდუმლო სამსახური.

1868 :  კრისტოფერ ლეტემ შოულზმა დააპატენტა საბეჭდი მანქანა, რომლის კლავიატურა როიალს მოგაგონებდათ ბეჭდავდა მხოლოდ დიდი ასოებით და ამასთან ადამიანი ვერ ხედავდა დაბეჭდილს ვინაიდან ფურცელი პლანშეტის ქვეშ იყო მოქცეული.

1894 :  პარიზში, პიერ დე კუბერტენის ინიციატივით შეიქმნა საერთაშორისო ოლიმპიური კომიტეტი.

1990: დაიწყო ყირიმელი თათრების დაბრუნება ისტორიულ სამშობლოში.

1998 :  პირველად მსოფლიოში ჩატარდა  ადამიანის ტვინის უჯრედების გადანერგვის ოპერაცია.

2004 :  იაპონიის სამთავრობო კომისიამ დასაშვებად ცნო ადამიანის ემბრიონის კლონირება სამეცნიერო მიზნებისთვის.

2016 :  დიდი ბრიტანეთის მოსახლეობამ რეფერენდუმზე ხმა მისცა ევროკავშირიდან ბრიტანეთის გამოსვლას.