თბილისი (GBC) - ჩვენ მზად ვართ გავაგრძელოთ დიალოგი როგორც მთავრობასთან, ისე სხვა მხარეებთან", - ციტირებს "საქმის კურსი"  Georgian American Alloys-ის აქციონერს   ურიელ ლაბირის, რომელმაც  განცხადება  "ჯორჯიან მანგანეზში" მიმდინარე პროცესებთან დაკავშირებით გააკეთა. 

ურიელ ლაბირი ამბობს, რომ ისინი სრულად იზიარებენ იმ მიზეზებსა და გარემოებებს, რომლებზე დაყრდნობითაც გადაწყვეტილება მიიღეს კომპანიაში სპეციალური მმართველის დანიშვნის თაობაზე.

ინვესტორი კომპანიის წარმომადგენელი აღნიშნავს, რომ მზად არიან და აქვთ სურვილი, სპეციალურ მმართველთან ერთად უზრუნველყონ წარმოდგენილი გარემოსდაცვითი მდგომარეობის გაუმჯობესების 14 პუნქტიანი გეგმის შესრულება, აღნიშნა, რომ გეგმა 
 ეფუძნება იმ ღონისძიებებს, რომელიც მათ ჰქონდათ ბოლო წლების განმავლობაში.

"მას შემდეგ, რაც ყველა ღონისძიება განხორციელდება, ყველა მხარე იქნება კმაყოფილი, როგორც სახელმწიფო, ისე კომპანიის მეწილეები. ამ ღონისძიებების განხორციელება არის საჭირო იმისთვის, რომ გარემოს მდგომარეობა გაუმჯობესდეს", - აღნიშნა ლაბირმა