თბილისი (GBC) –  მიწის ყიდვა-გაყიდვის  ახალი რეგულაციების მოლოდინში ბიზნესი მთავრობას კანონპროექტის ვერსიაში ხარვეზებზე მიანიშნებს და  რეკომენდაციას აძლევს.

იაპონიაში კივის ექსპორტიორი კომპანიის   „ნერგეტას“  დამფუძნებელმა  კოტე ვეკუამ  გერმანელი თანადამფუძნებლების  როლზე “ანალიტიკაში”  (TV პირველი) ისაუბრა. დაინტერესდა, ცვლილებები  ინვესტორის უფლებებსაც ხომ არ ზღუდავს, რა კატეგორიაში ექცევა  და რა სტატუსი ექნება. ის მიწის  არაპირდაპირი მფლობელი  ხდება?

ბიზნესმენისთვის  სახალხო განხილვებით თემის მარგინალიზაცია ტრაგიკულია, წმინდასთან მიწის მარტივად გაიგივება.

„ცხელი თავების  მიღებული გადაწყვეტილებებით  მოდის ქვეყანა უკვე 27-28 წელია“, - კოტე ვეკუა „ ცხელი თავების“ შიშით თუ მოსმენით  ათწლეულებში მიღებული მცდარი გადაწყვეტილებების მავნე პრაქტიკაზე საუბრობს, რომლის გამოსწორებასაც  შემდეგ ხანგრძლივი პერიოდი სჭირდება, იმ ცხელი თავების, რომლებიც პერიოდულად მთავრობაშიც იყვნენ,  ხან მასებშიც.

კოტე ვეკუას  რეკომენდაციით, სასოფლო მიწა  უნდა გაიყიდოს შერჩევით,  განვითარებული ქვეყნის მოქალაქეზე, ვისაც საკმარისი ცოდნა, გამოცდილება და ფული აქვს და არა საქართველოს მსგავსი დაქცეული, ღარიბი ქვეყნის წარმომადგენელზე.