თბილისი (GBC) - სააპელაციო დავა კიდევ ერთმა უცხოურმა თამბაქოს მწარმოებელმა მოიგო. 

 9 ივნისს, თბილისის სააპელაციო სასამართლოს სამოქალაქო საქმეთა პალატამ დაასრულა  „ფილიპ მორის საქართველოსა“ და სს „ფილიპ მორის ეს.ეი“-ს საჩივრების განხილვა და  გააუქმა პირველი ინსტანციის სასამართლოს გადაწყვეტილება, რის შედეგადაც კომპანიები სრულად გათავისუფლდნენ 92 მილიონამდე ლარის გადახდის ვალდებულებისაგან.

შეგახსენებთ, მოსარჩელე სს „თბილისის თამბაქო“ დაობდა, რომ კომპანიები სხვადასხვა სახის სიგარეტების რეალიზაციას თვითღირებულებაზე დაბალ ფასად ახდენდნენ, რითაც არღვევდნენ კანონს და ზიანს აყენებდნენ სს „თბილისის თამბაქოს“.