თბილისი (GBC) - ეროვნულმა ბანკმა 5 ლარიანი ბანკნოტიც განაახლა. 

ახალი კუპიურის პრეზენტაციას სებ-ის პრეზიდენტი ოთხშაბათს, 12 საათზე გამართავს. 

შეგახსენებთ,  განახლებული 20 და 50 ლარიანი ბანკნოტები მიმოქცევაში 2016 წლის  1 თებერვლიდან ჩაეშვა.

რაც შეეხება 100 ლარის ნომინალის განახლებულ ბანკნოტებს, ის იმავე წელს მოგვიანებით ჩაეშვა მიმოქცევაში.

ლარის განახლებულ ბანკნოტებზე შენარჩუნებულია კარგად ნაცნობი, ლარის ბანკნოტების თავდაპირველი თემატიკა, ამავდროულად ბანკნოტებზე წარმოდგენილი ისტორიები გამრავალფეროვნებულია ცალკეული ახალი ელემენტებით. განახლებული დიზაინი კიდევ უფრო მეტი სიზუსტით და თანამედროვე იერსახით წარმოაჩენს საქართველოს მნიშვნელოვან კულტურულ-ისტორიულ მემკვიდრეობას.

ლარის განახლებულ ბანკნოტებს ახასიათებს მკვეთრად გამორჩეული ფერების სპექტრი, რომელიც ჰარმონიულად არის შეხამებული ძირითადი სიუჟეტების დომინანტურ და კონტრასტულ ფერებთან.