თბილისი (GBC) - Stadler -ის მატარებლებში საკვები პროდუქტების და გამაგრილებელი სასმელების რეალიზაციის უფლებაზე „საქართველოს რკინიგზა“ ინტერესთა გამოხატვას აცხადებს.

კომპანიის ცნობით, გამარჯვებული ამ უფლებას 1 ივლისიდან 15  ოქტომბრის ჩათვლით მოიპოვებს და შეძლებს თბილისი-ბათუმის რეისზე მოძრავ ორსართულიანი მატარებლების მგზავრებს სენდვიჩები, ბურგერები, სხვა ანალოგიური, მათ შორის სამარხვო პროდუქცია, ასევე შოკოლადები, კანფეტები, კრეკერები და სასმელები  შესთავაზოს.

დაინტერესებულმა კომპანიებმა განაცხადები 16 ივნისის 18:00 საათამდე უნდა წარადგინონ.

„საქართველოს რკინიგზა“ აღნიშნავს, რომ   მგზავრების ინტერესი ამ მატარებლებით მგზავრობის მიმართ განსაკუთრებულია, ამასთან გაზრდილია მოთხოვნა მატარებლებში კვების პროდუქტებზე და ასევე, ხაზგასასმელია, რომ მატარებელებს პირველი გაჩერება აქვთ მხოლოდ სადგურ ურეკში, ანუ მგზავრები მოკლებულნი არიან შესაძლებლობას შეიძინონ სხვა პროდუქცია, გარდა მსვლელობისას ბორტზე შეთავაზებულისა.