თბილისი (GBC) - საქართველოს აეროპორტებს მგზავრთნაკადი მკვეთრად, 47% გაეზარდა.

სამოქალაქო ავიაციის სააგენტოს ცნობით, 5 თვეში საჰაერო გზით 1 224 010 პირმა იმგზავრა, თითქმის 400 000-ით მეტმა, ვიდრე შარშან.

42.96%-ით არის გაზრდილი თბილისის საერთაშორისო აეროპორტში მგზავრთნაკადი, ტერმინალმა 1 005 605 მგზავრი გაატარა.

94% -ით გაეზარდა მგზავრები ქუთაისის აეროპორტს, რომლითაც 5 თვეში  143 546 მგზავრმა ისარგებლა.

ზრდაა ბათუმშიც 33%-იანი. ზღვისპირა ქალაქის აეროპორტმა, არაპიკურ პერიოდში, 72 516 მგზავრს უმასპინძლა.

პოზიტიურია სტატისტიკა მესტიის აეროპორტშიც, სადაც მგზავრთნაკადი თითქმის გაორმაგებულია,  2343-მდე. ამბროლაურის ახლადგახსნილმა ტერმინალმა, არაპიკურ სეზონზე, უკვე 324 მგზავრი მიიღო. 

5 თვის  განმავლობაში, საქართველოს აეროპორტებში განხორციელდა 6 739 სამგზავრო და სატვირთო რეისი (5 380 რეგულარული და 1 359 ჩარტერული), რაც 39,12%-ით აღემატება წინა წლის ანალოგიურ პერიოდში განხორციელებული რეისების რაოდენობას (4 844).

წინა წლის ანალოგიურ პერიოდთან შედარებით, 13,64%-ით იმატა საქართველოს საჰაერო სივრცის გამოყენების რაოდენობამ (2016 წელს - 47 136 ერთეული გადაფრენა, 2017 წელს - 53 567  ერთეული გადაფრენა).