თბილისი (GBC) -  ევროპის რეკონსტრუქციისა და  განვითარების ბანკმა  (EBRD) თიბისის 1.9 მლნ აქციის გაყიდვაზე განაცხადა, რაც ბანკის 3.6%-ია.

ევრობანკის ცნობით, თითო აქცია 17 ფუნტ სტერლინგად 5 ივნისს გასხვისდა.

EBRD-ის ერთ-ერთი დირექტორი მაიკ ტეილორი თიბისის წარმატების ისტორიაზე აცხადებს და სიამაყით აღნიშნავს, რომ EBRD  ამ ამბის ერთ-ერთი ნაწილია.

„ბანკის ძლიერი პროგრესი საშუალებას გვაძლევს, შევამციროთ ჩვენი წილი ბანკში“, - აცხადებს ტეილორი და აღნიშნავს, რომ ბანკში გარკვეულ წილს ინარჩუნებენ.

I კვარტალის ბოლოს თიბისი ბანკის აქციების 98.5% TBCBank Group-ის საკუთრებაა. 5%-ზე მეტის მფლობელი ბენეფიციარები იყვნენ: EBRD - 12.03%;
JPMorgan Asset Management 7.77%; Schroder Investment Management - 7.72%; 
Dunross & Co. - 5.70%; Societe Generale SA - 5.33%; ბადრი ჯაფარიძე - 6.98%; მამუკა ხაზარაძე - 13.98%