თბილისი (GBC) – ლაურა ღაჭავა ავიახომალდის ბორტის, სარკინიგზო და საზღვაო ხომალდების მომსახურე პერსონალის მომზადებას გეგმავს.

საქმიანი ქალბატონი GBC-სთან ამბობს, რომ „თბილსის საერთაშორისო აკადემიისთვის“ ახალი შენობა ააშენეს და წელს 100 სტუდენტის მიღებას გეგმავს, თუმცა მოთხოვნა 4-ჯერ მაღალია.  

ამასთან აქტიური მოლაპარაკებები მიმდინარეობს უცხოელ პარტნიორებთან, სერტიფიკატების მოპოვებაზე, რათა მომზადდეს ბორტ-გამცილებლები, აეროპორტის მომსახურე პერსონალი, რკინიგზასა თუ საზღვაო დარგის სპეციალისტები.

„გვყავს სტუმრები კანადიდან და როდესაც ნებართვას ავიღებთ, შემდეგ ამ სპეციალობებზე გამოცხადდება სტუდენტების მიღება“, - აღნიშნავს ღაჭავა.

მისივე ცნობით, უნივერსიტეტი დღეს სტუდენტებს საერთასორისო ურთიერთობების, ბიზნეს ადმინისტრირების და ქართული ენის სპეციალობებს სთავაზობს. დღეისათვის აკადემიას 60-მდე სტუდენტი ჰყავს, მათ შორის  2   სახელმწიფო დაფინანსებით.  სწავლის საფასური 2250 ლარია.