თბილისი (GBC) - კოლმეურნეობის მოედანზე ყვავილების რეალიზაციისთვის შუშის შენობა აშენდება.

ადგილის მფლობელის ლაურა ღაჭავას განცხადებით, მერიამ უკვე დაასრულა დაამტკიცა ერთსართულიანი შენობის პროექტი, რაზეც  არქიტექტორმა გია აბულაძემ იმუშავა. 

აღნიშულ შენობაში  ადგილები იჯარით  მეყვავილეებს გადაეცემათ, ასევე პროექტით გათვალისწინებულია მცირე ზომის კაფის მოწყობაც.

„მშენებლობა უნდა დავაფინანსოთ ჩვენ.  მერიამ პროექტი ერთიან გეგმაში შეიყვანა და ერთიანი პროექტის მიხედვთ, მშრალი ხიდიდან კოლმეურნეობის საფეხმავლო ქუჩა უნდა გაკეთდეს“, - აცხადებს ღაჭავა, აღნიშნავს, რომ მშენებლობის ხარჯთაღრიცხვის შედგენა უკვე მიმდინარეობს.

მშენებლობა სავარაუდოდ ივლის-აგვისტოში დაიწყება და 3 თვეს გაგრძელდება.

რაც შეეხება იქამდე მეყვავილეების დაკმაყოფილებას, მოლაპრაკებები მიმდინარეობდა მერიასთან მათი დროებით სხვა ტერიტორიაზე გადაყვანაზე, თუმცა ჯერჯერობით მერიამ ტერიტორია ვერ იპოვა.