თბილისი (GBC) - Toyota Motor -მა ილონ მასკის კომპანიასთან თანამშრომლობა გაწყვიტა- ინფორმაცია იაპონურმა სააგენტო  Kyodo-მ ანონიმ წყაროზე დაყრდნობით გაავრცელა. 

სააგენტოს ცნობით, იაპონურმა ავტომწარმოებელმა Tesla Motors-ის ყველა აქცია გაყიდა და კაპიტალიდან სრულად გავიდა. 

კომპანიებმა თანამშრომლობა 2010 წლიდან დაიწყეს, როდესაც Toyota -მ Tesla-ს 3.15% დაახლოებით 40.5 მლნ დოლარად იყიდა.  იაპონელებმა ელექტროავტომობილების მწარმოებლის აქციების ნაწილი ჯერ კიდევ 2014 წელს გაყიდეს, დარჩენილი კი, გასული წლის ბოლოს. 

წყარო ამბობს, რომ Toyota თანამშრომლობის აზრს ვერ ხედავს, რადგანაც დაახლოებით ანალოგიური განყოფილება თავადაც შექმნა და უკვე 2020 წლისთვის ელექტრომობილების მასიურ წარმოებას გეგმავს. მათთვის პლატფორმა შეიძლება გახდეს  Prius -ის ან  Corolla-ს მოდელები.