თბილისი (GBC) - პროექტის „დანერგე მომავალი“ ფარგლებში,  წყალტუბოს რაიონის სოფელ მუხიანში შპს „მნკ ჯგუფმა“ მაყვლის ბაღი გააშენა.

კომპანიამ 4 ჰექტარზე ბაღის გაშენება სახელმწიფოს მხარდაჭერით შეძლო. კომპანიამ  31 000 ლარის ოდენობის სახელმწიფო დაფინანსება მიიღო - 21 000 ლარი ნერგებისთვის, ხოლო 10 000 ლარი წვეთოვანი სისტემებისთვის.

აღსანიშნავია, რომ მაყვლის ბაღები არც თუ ისე დიდ ფართობს იკავებს საქართველოში და „მნკ ჯგუფის“ ბაღი ერთ-ერთი მსხვილი იქნება. 

პროექტის „დანერგე მომავალი“ ფარგლებში, საქართველოს მასშტაბით, ხეხილის ახალი ბაღები 3 492 ჰექტარზეა გაშენებული და სახელმწიფო დაფინანსების მოცულობა 17 382 147 მილიონ ლარს შეადგენს. აქედან, იმერეთის რეგიონში ხეხილის ბაღები 174 ჰა მიწის ფართობზე გაშენდა.